ang PAG-IBIG daw ay hindi hinahanap..kusa tong dumadating...
di man ngayon, pero sa tamang pagkakataon..
di pinaplano, pero tadhana ang magtatagpo..

Katawan ko'y sobrang pagod na, mga mata'y kusa nang nagsasara..
nag aabang sa sasakyang maghahatid saaking patutunguhan
isang kulay berde ang huminto, bitbit ko ang bagsak kong katawan na unti-unting niyayakap ng lamig.
naaaninagan ng aking mga mata ang bakanteng upuan..aking mga labi ay napangiti..ang isa ay para sa akin at isa'y marahil para saiyo..Ako'y bigla nabuhayan
ngunit ng ako'y biglang naalimpungatan, wala ka padin sa aking tabi..

Sa aking pagbaba, napuna ko ang pagkadismaya sa aking mukha..tulad ng masamang panahon na unti-unting nagbabadya..
di nagtagal bumuhos ang malakas na ulan na unti-unting nagpapagising nanaman sa natutulog kong damdamin..
pingpatuloy ko ang aking paglalakad,hawak ko ang aking payong, at sa kabila naman ay nag aabang para sa iyo ay tumulong..

biglang napahinto sa isang dilaw na kainan..naisip ko munang bigyan ng atensyon ang kumakalam kong sikmura.
naaamoy ko ang masarap na pagkain habang tinutulak ang pintuan...iisa nalamang ang bakanteng lamesa..ang swerte ko naman.. suswertehin din kaya ako?
ubos na ang aking binili, sikmura ko'y nabusog na..ngunit gutom padin ang mga mata na masilayan ka ngayong gabi..

kinapa ko ang aking bulsa, tumayo sa isang tabi at nagsindi ng sigarilyo..naisipan ko munang humandi kahit sandali,, hinayaan sa pagtakbo ang oras..upang ikaw naman ay antayin..
malapit na maubos ang aking bala..ngunit hindi ko man lang naamoy sa aking harapan ang presensya mo.

bigla nalang naramdam na pagod na pala ang aking mga paa.. hinayaan ko nalamang na ihatid ako ng mga ito sa aking kama.
malungkot man ang kinahinatnanan ng nakakapagod na araw, wala akong magagawa kungdi tanggapin na marahil hindi pa ito ang nakatadhana
ngunit masaya kong pipikit, at magbabakasakali na kahit sa aking panaginip ika'y aking masilip..
at aasang bukas, sana ika'y akin nang makapiling...